Sist onsdag reiste me ein gjeng på tur til Herning, DK, for å sjå på hingstekåring i dansk varmblod. Då me skulle reise, viste det seg at me ikkje hadde alle bilettane, så det var lettare kaotisk ei stund. Dette feira me med å kjøpe godteri på danskebåten og snakke med den blå guten som varta oss opp med å lukke dører då det var plagsom trekk, han oppdaterte oss om ting som me ikkje visste og sist men ikkje minst så kunne han fortelje oss kor me var parkert på båten. Elles brukte me tida på høglytt gruble akkurat når dei andre passasjerane prøvde å sjå på TV. Dei fleste la seg tidleg for å vere opplagt til morgondagen, men Tone og Irmelinn var klare for å bli kjent med nye folk.
Elin sette seg opplagt bak rattet etter å ha sjekka olja på ferja. Alle mannfolka rundt var særs imponerte. Det skulle vise seg at me kom til å få bruk for denne jenta sine mekaniske dugleikar seinare på turen. Til Herning kom me i ein fart, og endeleg kom me oss inn til hestelukta. Her traska me flittig mellom messe og kåring. Det vart svidd av mykje pengar på hesteutstyr, her nevner eg mellom anna hodelagkjøp a'la Erika, ridestøvelkjøp gjort av Hilde (med pruting!) og diverse andre nyttegjenstandar me hadde meir (eller mindre) bruk for. Denne helga fekk me oppleve Andreas Helgstrand clinic (det var heilt fantastisk!!), gallashow med for mykje sprang, hingstekåring, grand prix dressur, heltane i aksjon, me såg ein stram tyskar som ikkje var tysk (burberryskjerf og sleik medan han varmar opp liksom?!), køyreoppvising osv, osv...
Utanomhestelege ting: den mongolske restauranten der me hadde ein utruleg god laurdagsmiddag, me hadde fantastisk god frukost på vandrarheimen, me blei litt lurte då me plutseleg hadde investert i eit internasjonalt vandrarheimkort, me gløymte å sjekka inn (høner på tur fekk me høyre om den), og ja. Det skjedde så mykje at eg ikkje gidd å fortelje om alt. De får kose dykk med nokre bilete istaden. Takk for turen jenter!!
På danskebåten
Andreas Helgstrand på Matinè
Ingen kommentarer:
Legg inn en kommentar