Ånai!

Eg har eit problem. Eg har dansa på meg ein skade. Og eg skal liksom på konkurranse om 14 dagar. Kva i alle dagar skal ei jente gjere?

Livet har nesten vore for godt til å vere sant for tida. Det har vore prega av sol, dans, gode vener og elles bra ingrediensar for ein fin kvardag. Så no var det på tide noko slikt skjedde. Neida, eg er i grunn ingen pessimist, men du må vere einig i at det ofte er slik..?

No lurar du kanskje på kva som skjedde, og svaret, det skal du få her. Det har seg nemleg slik at me var på Scotsman i går for å trene litt. Tidleg på kvelden var det ikkje så mange på dansegolvet, så me kunne hoppe litt og slikt. Det var vel allereie i den 2. dansen det fatale skjedde, me hoppa litt, og eg hoppa rett i ein fyr slik at eg kom i ubalanse og trødde over. Rett og slett eit overtåkk med sats. Glimrande. Då eg ikkje tykte det var så altfor gale etter ei kvil, svinsa eg meg ut på dansegolvet att. Så det vart dansing på meg resten av kvelden, om enn noko forsiktig. I dag tidleg vakna eg av at eg hadde vondt i foten. Klokka var vel 6 eller noko tenker eg. Eg låg ganske urørleg ein times tid i vona om at det ikkje var sant, men fekk smertefullt erfare noko anna då eg måtte stå opp. Fontena kom på og mamma måtte kontaktast. Stakkar, ho trudde vel at eg var døden nær eller noko. Det er godt at eg er så heldig å bu med Katrine, for ho steppa inn og ringte både legevakt og drosje slik at ei stakkars jente (meg) kunne få den hjelpa ho trengte.

Forresten så var det ei veldig hyggeleg, ung, legedame som behandla meg. Ho spøka, lo og kunne fortelje kva som var gale omtrent før eg hadde sagt kor eg hadde vondt. Det viste seg at ho var tidlegare medlem av BSI Dans, så ho forsto godt at eg hadde vore ute for eit overtråkk/-hopp. Uansett. Det kunne ta fleire veker før det var bra att, risikoen for nye overtråkk var store i alle fall eit år framover, eg måtte teipe beinet før eg dansa og no i byrjinga fekk eg ikkje lov til å gjere noko anna enn å sitje med beinet høgt og halde meg i ro. Så det vert visst litt lesing i påska. Snufs... Eg som ville ut og gå og elles finne på morosame ting. Æsj! Er det ikkje typisk?

Foten min. Ao!

Is, bursdag, swing og is

I går vart det iseting hos Stina etter ei hard eksamensløysingsøkt på skulen. Ingrid og Rune hadde bursdag (grattis!), så me skulle feira dei med ein betre middag på Egon. Ma lada likegodt opp på terrassen til Stina.

Det bar rett til Egon i 5-tida, der me var ein god gjeng frå klassen. God mat, gode vener og fint vèr. Det var berre legendarisk. Etterpå gjekk me på Brunello og kjøpte kaffi.

Gjengen på Egon

Onsdagar = swingtrening for min del, så eg måtte svinsa avgarde. Eg er verkeleg så glad i denne dansinga mi! Kanskje masar eg litt vel mykje slik at dansepartnaren min vert litt irritert.. Ups! Jaja, trene må me! Eg blei kjempeglad for fine kommentarar frå Nils som meinte at me var blitt flinke. Og så må eg nemne at han tykte at eg hadde fin spenning i armen. JESS! Endeleg har eg klart å finne spenninga. Det er vanskelegare enn ein skulle tru.

Etter trening gjekk eg, Elisabeth, Lys, Daniel og Christian på Kvarteret ein liten tur. Der sat me ei lita stund og prata. Sosialt, koseleg - fin avslutting på kvelden rett og slett.

I dag var det syntaks det gjekk i på skulen. Skremande utvikling. Det vert vanskelegare og vanskelegare. Uff. Men etterpå blei det is utanfor DNS i lag med ein stor gjeng. Eg ELSKAR det fine vèret!

Trine og Siriann utanfor teateret

Framleis vår i lufta

I dag sov eg lenge. Så leste eg ut ei bok. Og det var ikkje ei kva-som-helst-bok - det var pensumlitteratur. Utruleg herleg. Så rydda eg og gjorde eller viktige ting eg måtte komma på for å unngå å lese.

Eg, Rune, Rebekka og Ingrid (med følge av ein skokk sunnhordlendingar) tok likegodt middagen i Nordnesparken i dag. Me grilla og kosa oss. Eg og Rebekka runda av heile den vakre stunda med ein aldri så liten sightseeing på veg heim frå Nordnes. Der møtte me faktisk Ragnhild på tur òg :)

Rune et pølse!

Vel heime vart det til at eg tørka støvet av gitaren heilt til Karina og Aslak kom på besøk. Då sette me oss på soltaket. Det var ikkje særleg varmt, men me såg sola, så det var bra nok. Eg og Aslak hadde ein fin samtale om morfologi, fonetikk, syntaks og semantikk - ja, i grunn ein fin samtale om grammatikk. Djupt.

Eg parkerte meg i senga då dei gjekk att. Der låg framleis gitaren, så eg pirka litt på den. Det var moro å finne att grepa og den rustne stemma mi. Det heile var kanskje litt surt då eg hadde litt problemer med stemminga og generelt sett stemma. Jaja.

Kvelden vart avrunda med kosekveld. Mia, Steinar, Aslak og Karina tok turen i kveld òg. Det er så koseleg at!

Våren er her!

Eg har ei gladmelding til dykk: Våren er her!

I alle fall kjente eg den godt på kroppen i dag. Eg og Elisabeth var på Fløien på tur. Me gjekk sjølvsagt opp. Det var varmt og fint. Einaste problemet er at min venstre fot har begynt å skapa seg. Så nedoverbakkane var ganske vonde. For ikkje å snakke om dei påfylgjande timane med dans eg bedreiv etter at eg og Katrine åt middag på soltaket. Me sola oss òg. Og så høyrde me på musikk. Å! Verda er så fin i sol!

Elisabeth på Fløien

Elles: Fredag: Dansekveld på Hildemors. Eit lite samandrag av kvelden. Laurdag: I bursdagsfest til Nelkeen. Det var kjempegøy! Og så fekk me dansa. Jippi! Det er så kjekt med swinggutar.

Oppgåveangst og Rock'n Rolf

Eg hadde tre innleveringar på fredag. Det forklarar vel situasjonen? Ikkje at eg hadde hatt så lita tid på meg, men eg var jo i danmark ein tur. Heh. Slik går det. Men ferdig - det blei eg altså!

På kvelden var eg på swingkveld på Rock'n Rolf. 50-talsparty! Synd at eg ikkje har sydd kjolen min enno. Etter litt kledestress kom eg meg endeleg avgarde, og Elisabeth hadde kapra plass til meg i bilen til Per Sindre. Smashing! Kvelden var veldig vellykka! Eg trur eg faktisk har blitt swingjente no. Det er jo så utruleg gøy! Eg skreiv litt om det her.

Stupedamo!

Torsdagen byrja med ein ekstremt bra norsktime. Eg hadde aldri trudd at eg ville like ordoppbygging og slikt, men det er ganske moro. Og forståeleg. Men eg fekk, som Isabel, vondt i hjarta mitt då me kunne bøye potet som hankjønn. Ein potet - poteten - potetar - potetane. Verda står ikkje til påske.

På kvelden var me på badetur på Vannkanten i lag med ein heil gjeng, dei aller fleste kjente eg ikkje, men kjekt var det likevel. Eg kjende presset då både Elisabeth og Stine "ikkje ville gå utan at eg gjekk," så bading vart det sjølv om eg eigentleg burde skrive oppgåve.

Badeturen gav meirsmak. Då eg hadde vasskrekk i mine yngra dagar, heng pinglinga litt att, men etter litt press frå Elisabeth kasta eg meg uti nokre sklier. Eller silebanar som det heiter på Bømlamål. Det vart sannsynlegvis "treigast i dag"-rekord sjølv om eg sklei det fortaste eg kunne, men eg var no nøgd likevel. Etterkvart vart eg lokka inn i "superbowl" der eg nesten mista badebuksa. Eg sa meg nøgd med å ta den berre ein gong ;) Elles så trena me på spektakulære løft i ekte "dirtydancingstil." Armane mine var dog litt for pinglete til å halde ein gut, så eg slengte likegodt stakkaren på trynet i vatnet. Elisabeth fekk gjennomgå då eg snudde ho opp ned under vatn. Det må nemnast at ho visste kva som skulle skje. Høgdepunktet med denne kvelden over og under vatn, var at Elisabeth, pedagogen, lærte meg å stupe! Kanskje litt flaut å vere 21 og ikkje kunne stupe, men det var den vasskrekken då... Uansett - eg byrja med å sitje på kanten, og slutta meg å stupe frå ein halv meter høg kant. RESPEKT!

Swingtrening og klatring - så iskveld

Onsdag var ein fin dag. På swingen hadde me først klatring på kvarandre. Det tok dei faktisk bilete av - sjå kor gøy det var! Så lærte me mellom anna turen "vippedisso" som var umåteleg morosam. Eg klarte å løfta ein gut! I tillegg så fekk eg meg dansepartnar til Snøhetta. Så no skal me faktisk gjere det. Eg berre kviskrar mottoet mitt inni meg kvar gong eg er i tvil (densomaldrigjernokodumterikkjesåkloksomhansjølvtrurdensomaldrigjernokodumterikkjesåkloksomhansjølvtrurdensomaldrigjernokodumterikkjesåkloksomhansjølvtrur)

Etterpå var det iskveld heime hjå oss! Det var verkeleg kjekt. Då kunne ein helse på mellom anna Susanne Sebra, Magnar Moskus, Henrik Hund, Marianne Maurslukar, Solbjørg Sursild osb. Blodsukkeret gjekk no opp att etter hard trening :)

Marianne, Renate og Ragnhild

Katrine og Stine