I symbiose med våren

Hjernen min har kopla ut all fornuftig tankegong, den vil berre ha input av kjensler. Ein naturleg reaksjon på våren. Det hadde vore vel og bra det der, hadde det ikkje vore for at eg faktisk treng litt hjerneaktivitet rett før eksamen. Eg har sagt det før, og eg seier det igjen - eg ser ut til å nedprioritere lesing i høve til andre aktivitetar. Dette er noko som vert karakterisert som ei skremande utvikling, men eg kunne ikkje brydd meg mindre. No. Me snakkast to dagar før eksamen.

I går var me og dansa på torgallmenningen. Det var berre så kjekt! Ut i regnet, dansa, lo, prata og kosa oss stort. På heimvegen song me høgt og vent. Utruleg kor mange gode, gamle songar me kom på!

Karina og Aslak kom så klart bort for å kose, og det enda med at Aslak knuste meg i TP. Eit nederlag som nok kjem til å henge ved meg ei stund. Eg skal ha hemn! HA!

Rett før eg skulle leggje meg, tikka det inn ein melding på mobilen min. Det er kanskje den finaste meldinga eg har fått, for der sto det så mykje fint at eg vart heilt rørt. Den har eg spart på. Det var ingen ringare enn Solbjørg som nok hadde falt for mine smekre tonar på veg heim frå Isdansen. Er det noko som er betre enn fine ord frå folk du bryr deg om? Det trur eg ikkje. I dag fekk eg enno fleire fine ord, både frå den eine og den andre, så eg vert berre gladare og gladare. Det er vår, eg er glad i folk og folk seier dei er glade i meg og eksamen ligg som eit vagt minne lengst innerst, øverst i hylla i langtidsminnet mitt. Eg byrjer å få ei aning om kvifor me er til :)

Utekos og eksamen

Nokon vil hevde at denne overskrifta er noko sjølvmotseiande, og det stemmer nok. Dei siste dagane har eg prioritert utekos med gitar, song, spel, dans, leikar og turning (!) framfor eksamen. Ein kan spørje seg kor lurt dette er, men når sola varmar Bergen by og ein har bruk for solkrem og solbriller utandørs er det lite å tvile på. Ut skal ein, og lite lesing vert det. Elles har me vore på Scotsman og dansa og hatt det knas. Eg likar våren. Eg tykkjer det er særs lite smart å leggje eksamenstida til når folk kjem i sommarstemning.

Sommarstemning og utekos

Eg har faktisk hatt min fyrste eksamen no. Den leverte eg i dag. Så vert det spanande å sjå korleis det går. Det var ei såkalla mappeinnlevering, og eg har stressa meg i hel for å få korta ned på omfanget av ho. Kva er dette med absolutt maks sidetal? Lite gunstig. Og veldig irriterande. Jaja, eg stryk no ikkje, oppgåva er jo ikkje dårleg heller.

O! Eg fekk forresten ein kommentar på at eg var fin på håret i dag, noko som eg tykte var morosamt. Er det slik det er å ha ein god hårdag?

No skal eg lese til pedagogikk- og norskeksamen. Det vert nok spanande. Aller helst vil eg sove. Det hadde vore noko det...

Dansefest og barnedåp

På lørdag var eg som kjent på avsluttingsfest med BSI, og det tok like mykje av som eg hadde håpa. Me dansa som nokre galningar og hadde det umåteleg kjekt. Og gjett om eg ikkje slo til og vann dansekonkurransen i lag med ein salsafyr?! Premien var gavekort hos fysioterapeut, noko som var heilt genialt. Det tok like mykje av då eg skreiv ei lita oppsummering av kvelden. Les: Til midt-natt i Bjørgvin by.

Dagen etter var eg tidleg oppe for å reise til Bømlo. Eg skulle i barnedåp til Vebjørn, i tillegg så hadde dei spurt meg om å vere fadder, noko som eg syns var veldig stas. Eg skal passe godt på han :)

Det vart mykje mat, kaker og kos heile dagen. Eg likar tantepliktene mine.

Dansedans

Sist helg var me ein gjeng på Dombås på Snøhetta Cup. Me skulle swinge oss i lag med dansarar frå heile landet og kose oss stort. Det gjorde me òg! Gjengen som reiste besto av meg, Henrik, Elisabeth, Per-Sindre, Solbjørg, Magnar, Wenche, Tormod, Vibeke, Daniel, Renate, Preben, Monika og Vidar. Les om turen vår her, og sjå video her. Det var så gøy!

I kveld blir det avsluttingsfest med BSI, noko som blir kanonbra. Eg gler meg. Skal danse som ein helt og ta heilt av. Det vert så bra. Einaste problemet er å finne ut kva eg skal ha på meg. Jaja, ikkje så nøye i grunn :)

Påskeferie

No er eg heime på Bømlo på ferie. Det går for det meste i å sitje i sofaen med beina på bordet og i å henge med tantebarn m/familie (les: for det meste Monica.) Foten er faktisk betre, så eg satsar på å kunne danse att når eg kjem tilbake til Bergen. Eg må berre få teken på teiping sånn at eg ser skikkeleg atletisk ut. Idrettsskade. Ganske kult.

I dag har eg lekt ride/køyrelærar for ein gjeng, noko som var morosamt. Nicko var så flink i dressuren i dag, eg var heilt imponert. No, derimot, er eg heilt ramponert etter ein looooong dag med trøing rundt i grusen. Eg ser fram til å leggje meg på sofaen og blunde litt.

Forresten så har Steinar bursdag i dag. Sidan eg veit at han er ein av mine trufaste lesarar, vert han heidra med ei høgvørdeg helsing her. Grautlera! (Eller gratulera.) Både med dagen og med heidringa. =)

Ånai!

Eg har eit problem. Eg har dansa på meg ein skade. Og eg skal liksom på konkurranse om 14 dagar. Kva i alle dagar skal ei jente gjere?

Livet har nesten vore for godt til å vere sant for tida. Det har vore prega av sol, dans, gode vener og elles bra ingrediensar for ein fin kvardag. Så no var det på tide noko slikt skjedde. Neida, eg er i grunn ingen pessimist, men du må vere einig i at det ofte er slik..?

No lurar du kanskje på kva som skjedde, og svaret, det skal du få her. Det har seg nemleg slik at me var på Scotsman i går for å trene litt. Tidleg på kvelden var det ikkje så mange på dansegolvet, så me kunne hoppe litt og slikt. Det var vel allereie i den 2. dansen det fatale skjedde, me hoppa litt, og eg hoppa rett i ein fyr slik at eg kom i ubalanse og trødde over. Rett og slett eit overtåkk med sats. Glimrande. Då eg ikkje tykte det var så altfor gale etter ei kvil, svinsa eg meg ut på dansegolvet att. Så det vart dansing på meg resten av kvelden, om enn noko forsiktig. I dag tidleg vakna eg av at eg hadde vondt i foten. Klokka var vel 6 eller noko tenker eg. Eg låg ganske urørleg ein times tid i vona om at det ikkje var sant, men fekk smertefullt erfare noko anna då eg måtte stå opp. Fontena kom på og mamma måtte kontaktast. Stakkar, ho trudde vel at eg var døden nær eller noko. Det er godt at eg er så heldig å bu med Katrine, for ho steppa inn og ringte både legevakt og drosje slik at ei stakkars jente (meg) kunne få den hjelpa ho trengte.

Forresten så var det ei veldig hyggeleg, ung, legedame som behandla meg. Ho spøka, lo og kunne fortelje kva som var gale omtrent før eg hadde sagt kor eg hadde vondt. Det viste seg at ho var tidlegare medlem av BSI Dans, så ho forsto godt at eg hadde vore ute for eit overtråkk/-hopp. Uansett. Det kunne ta fleire veker før det var bra att, risikoen for nye overtråkk var store i alle fall eit år framover, eg måtte teipe beinet før eg dansa og no i byrjinga fekk eg ikkje lov til å gjere noko anna enn å sitje med beinet høgt og halde meg i ro. Så det vert visst litt lesing i påska. Snufs... Eg som ville ut og gå og elles finne på morosame ting. Æsj! Er det ikkje typisk?

Foten min. Ao!

Is, bursdag, swing og is

I går vart det iseting hos Stina etter ei hard eksamensløysingsøkt på skulen. Ingrid og Rune hadde bursdag (grattis!), så me skulle feira dei med ein betre middag på Egon. Ma lada likegodt opp på terrassen til Stina.

Det bar rett til Egon i 5-tida, der me var ein god gjeng frå klassen. God mat, gode vener og fint vèr. Det var berre legendarisk. Etterpå gjekk me på Brunello og kjøpte kaffi.

Gjengen på Egon

Onsdagar = swingtrening for min del, så eg måtte svinsa avgarde. Eg er verkeleg så glad i denne dansinga mi! Kanskje masar eg litt vel mykje slik at dansepartnaren min vert litt irritert.. Ups! Jaja, trene må me! Eg blei kjempeglad for fine kommentarar frå Nils som meinte at me var blitt flinke. Og så må eg nemne at han tykte at eg hadde fin spenning i armen. JESS! Endeleg har eg klart å finne spenninga. Det er vanskelegare enn ein skulle tru.

Etter trening gjekk eg, Elisabeth, Lys, Daniel og Christian på Kvarteret ein liten tur. Der sat me ei lita stund og prata. Sosialt, koseleg - fin avslutting på kvelden rett og slett.

I dag var det syntaks det gjekk i på skulen. Skremande utvikling. Det vert vanskelegare og vanskelegare. Uff. Men etterpå blei det is utanfor DNS i lag med ein stor gjeng. Eg ELSKAR det fine vèret!

Trine og Siriann utanfor teateret