Nokre ord om arbeid

Å arbeide i ferien. Høyres fornuftig ut. Tjene pengar medan ein har ferie. Men hei, stopp litt der no. Eg ynskjer å presisere at: pengar er ikkje alt! Det er vel på tide å røpe at eg har vore på jobb i dag. Forsåvidt ein grei jobb i seg sjølv, men i dag var det T-dagen! Teljedagen. No har eg telt og telt og no har eg ikkje fleire fingrar att. Det er vel skremande nok at eg i løpet av dagen har lært meg alle rammenummer utanboks, men det faktum at eg har snust inn uante kilo med støv (ja, sorry mor, det er støv på butikken din når ein dreg fram alle mulige gamle og skranglete ting frå forrige århundre) og bokstaveleg tala muligens fått støv på hjernen burde få raude varsellampar til å blinke og sirener til å hyle. Greit nok, eg hadde jo ein 'irene som hyla litt. Skodde no. Sliten no. Sove no?

Og så lurer du kanskje på - kva i alle dagar er det som motiverar denne jenta til å setje seg ned ved ein datamaskin og klage si naud for verda etterpå? Folkens, her får de svaret. Eg bryr meg om dykk. Søk tilflukt under ei varm dyne (evt. i ein kald kjellar i lag med skinnet til daude kyr for dei som liker det) når du er heime på ferie. Det er avslappande og deilig, og sjølv om du heilt sikkert ikkje har fortjent det, så kan du sikkert kome på mange gode argument for å overbevise deg sjølv viss du prøver.

Hah! Forresten. Var hos optikaren hin dagen. Og synet mitt var stabilt enno. Ikkje så interessant kanskje, men det beste var forklaringa på det. "Det er på grunn av at du er ei så aktiv jente. Og så mistenkar eg at du les for lite." HAHA! Genialt.